Menu

ᓂᐱᑦᓴᔦᑦ ᑕᑯᓐᓇᕋᑦᓭᑦ “ᐃᓅᓯᑦᑎᓂ ᐃᓪᓕᕈᓱᓐᓂᖅ. ᐃᓅᓯᑦᑎᓂᒃ ᐊᓐᓂᕈᓱᓐᓂᖅ” 2017

Alcoholism — ᐊᕐᓀᑦ ᖃᓄᐃᖕᖏᓯᐊᕐᓂᖏᑦ

ᓂᐱᑦᓴᔦᑦ ᑕᑯᓐᓇᕋᑦᓭᑦ “ᐃᓅᓯᑦᑎᓂ ᐃᓪᓕᕈᓱᓐᓂᖅ. ᐃᓅᓯᑦᑎᓂᒃ ᐊᓐᓂᕈᓱᓐᓂᖅ” 2017

ᑲᒪᒋᐊᕈᑏᑦ ᐱᓀᓗᑕᕐᓂᒃ ᐃᓕᖓᔪᓂᒃ ᐋᖓᔮᑦᑎᐅᓂᕐᒧᑦ, ᓴᑐᕐᕖᑯᑦ ᓄᐃᑦᓯᓯᒪᔪᑦ ᑕᑯᓐᓇᕋᑦᓴᓂᒃ ᑕᑯᑦᓴᐅᑎᓗᒋᑦ ᓄᓇᕕᒻᒥᐅᑦ ᐊᕐᓀᑦ ᐅᖃᐅᓯᖃᕐᑎᓗᒋᑦ ᐃᒥᐊᓗᑦᑎᐅᓂᕐᒧᐊᖓᔪᓂᒃ. ᑖᒃᑯᓇᓂ ᑕᑯᓐᓇᕋᕐᓴᓂ, ᐅᖃᐅᓯᓖᑦ ᖃᓄᖅ ᐃᒥᐊᓗᒻᒧᑦ ᐃᓅᓯᖏᑦ ᐃᑎᕐᑕᐅᓯᒪᒻᒪᖔᑕ, ᖃᓄᐃᓕᖕᖓᑕᐅᓯᒪᒻᒪᖔᕐᒥᓗ ᓇᒻᒥᓂᖅ ᐊᒻᒪᓗ ᐃᓚᖏᑦᑕ ᐃᓅᓯᖏᓐᓂᒃ, ᐊᒻᒪᓗ ᖃᓄᖅ ᐃᒥᐊᓗᒻᒥᒃ ᐊᐅᑳᕆᐊᕐᓯᒪᒻᒪᖔᕐᒥᒃ ᑲᔪᓯᑦᓯᐊᕈᑎᒋᓚᖓᓯᑦᓱᒍᓗ ᐊᐅᖄᕐᓂᖅ. ᓯᑕᒪᐅᔪᕐᑐᑦ ᐊᕐᓀᑦ ᐳᕕᕐᓂᑐᒥᐅᑦ, ᐃᕗᔨᕕᒻᒥᐅᑦ, ᐊᒻᒪᓗ ᑲᖏᕐᓱᒥᐅᑦ ᑲᑎᒪᑎᑕᐅᑦᓱᑎᒃ ᕕᕗᐊᔨ 2017-ᒥ ᐅᖄᑎᑕᐅᓯᒪᔪᑦ ᖃᓄᐃᑦᑐᑎᒎᕐᓯᒪᒻᒪᖔᕐᒥᒃ. ᐱᒐᓱᐊᕈᑎᓪᓚᕆᓐᓄᑦ ᒪᓂᔨᒍᓐᓇᓯᓂᖅ ᓄᓇᕕᒻᒥᐅᓄᑦ ᐊᕐᓇᓄᑦ ᐅᖄᖃᑎᖃᕈᓐᓇᑎᑦᓯᓂᖅ ᐊᕐᓇᐅᖃᑎᒥᓂᒃ ᐊᓯᖏᓐᓂᒃ ᓄᓇᕕᒻᒥᐅᒍᖃᑎᒥᓂᒃ, ᐊᑐᑦᔭᓇᒋᑦ ᓯᓚᑖᓂ ᓄᓇᓕᓕᒫᑦ ᐊᑐᕐᑕᐅᓲᑦ ᐊᑦᔨᐅᖏᑦᑐᒥ ᑖᒃᑯᓄᖓ ᐃᓕᖓᑦᓯᐊᑐᓂ ᐃᓗᒡᒍᓯᒥᓃᑦᑎᓱᒋᑦ.

ᑖᒃᑯᐊ ᑕᑯᓐᓇᕋᑦᓭᑦ ᓴᓇᕐᕈᑎᑦᓴᓕᐊᒍᓯᒪᔪᑦ ᐃᒥᐊᓗᒻᒥ ᐊᑐᕐᓂᓗᑦᑎᓯᑦᑌᓕᓂᕐᒧᑦ ᐃᓄᐃᑦ ᓄᓇᓕᖏᓐᓂᒃ ᐊᒻᒪᓗ ᐃᑲᔪᕐᑕᐅᒋᐊᓕᓐᓂᒃ ᐃᑲᔪᕐᑕᐅᒍᓐᓇᓯᑎᑦᓯᐅᑕᐅᒋᐊᕐᓱᑎᒃ.

ᑭᓇᑐᐃᓐᓇᖅ ᐃᓄᒃ ᐅᕝᕙᓘᓐᓃᑦ ᑎᒥᒃ ᑲᒪᒋᔭᖃᕈᒪᔪᖅ ᑲᔪᓯᑎᑦᓯᓚᖓᓗᓂ ᓱᒃᑯᑎᑦᓯᑌᓕᓂᕐᒧᑦ ᐅᕝᕙᓘᓐᓃᑦ ᐱᓇᓱᐊᕈᑦᔨᓂᕐᒧᑦ ᐃᒥᐊᓗᑦᑎᐅᓂᕐᒧᑦ ᑐᓴᕐᑎᓯᒍᓐᓇᑐᑦ ᓴᑐᕐᕖᑯᓐᓂᒃ ᐊᒻᒪᓗ ᕿᓄᕕᒋᓗᒋᑦ ᐊᑦᔨᖏᓐᓂᒃ ᑕᑯᓐᓇᕋᑦᓭᑦ ᑐᔪᕐᑕᐅᒍᒪᓗᑎᒃ. ᑕᑯᓐᓇᕋᑦᓭᑦ ᐃᓚᓖᑦ ᐊᑐᐊᒑᐱᓐᓂᒃ ᑐᑭᓯᑎᑦᓯᐅᑎᓂᒃ ᓱᓇᐅᓂᖓᓂ ᐃᒥᐊᓗᑦᑎᐅᓂᐅᑉ ᐊᒻᒪᓗ ᓇᓪᓕᐊᓄᑦ ᐃᑲᔪᕐᓯᐅᔭᒍᓐᓇᒪᖔᑕ ᓇᓗᓀᕐᓯᐅᑎᓂᒃ.

Pin It on Pinterest

ᓂᐱᑦᓴᔦᑦ ᑕᑯᓐᓇᕋᑦᓭᑦ “ᐃᓅᓯᑦᑎᓂ ᐃᓪᓕᕈᓱᓐᓂᖅ. ᐃᓅᓯᑦᑎᓂᒃ ᐊᓐᓂᕈᓱᓐᓂᖅ” 2017