Menu

ᓄᓇᓕᓐᓂ ᐱᓇᓱᒉᑦ

[et_pb_ds_breadcrumbs _builder_version=”4.5.8″ _module_preset=”default” hover_enabled=”0″][/et_pb_ds_breadcrumbs]

ᓄᓇᓕᓐᓂ ᐱᓇᓱᒉᑦ

2011-ᒥᓂᑦ, ᓴᑐᕐᕖᑯᑦ ᐊᑐᐃᓐᓇᖑᕐᑎᓯᓯᒪᓲᑦ $3,000-ᓂᒃ ᐃᓘᓐᓀᓄᑦ ᓄᓇᕕᒻᒥ ᓄᓇᓕᓐᓄᑦ, ᐃᓚᐅᑎᓪᓗᒋᑦ ᐃᓄᐃᑦ ᑲᑎᒪᕕᒋᓲᖏᑦ ᑯᐯᑉ ᓯᖁᓂᖓᓂ, ᐱᓇᓱᐊᕐᑕᐅᒍᑎᒋᓂᐊᕐᑕᖏᓐᓂᒃ ᐊᕐᓀᑦ ᐃᓅᓯᖏᓐᓂᒃ ᐱᐅᓯᐅᒥᑎᑦᓯᒍᑎᑦᓴᓂᒃ. ᐱᓇᓱᒉᑦ ᑐᕌᖓᒍᓐᓇᑐᑦ ᐱᓇᓱᐊᕐᑕᐅᓚᖓᔪᓄᑦ ᐃᑉᐱᒍᓱᓕᕐᑎᓯᒋᐊᕐᓂᐅᓗᑎᒃ, ᐱᕙᓪᓖᒋᐊᕈᑎᑦᓴᓄᑦ ᓈᒻᒪᖁᐊᕇᓐᓂᖏᓐᓂᒃ ᐊᖑᑏᑦ ᐊᒻᒪᓗ ᐊᕐᓀᑦ, ᑲᔪᖏᕐᑐᐃᒍᑎᑦᓴᓄᑦ ᐃᓗᓯᕐᓱᓇᕐᑐᓂᒃ ᐃᓅᓯᖃᕆᐊᖃᕐᓂᓄᑦ, ᐅᕝᕙᓘᓐᓃᑦ ᐊᓯᖏᓐᓄᑦ ᓈᒻᒪᑐᓂᒃ ᐱᑦᔪᑎᓕᓐᓄᑦ ᐊᐅᓚᑦᔭᑕᐅᒋᐊᕈᒪᔪᓄᑦ.

ᓄᓇᕕᒻᒥᐅᑦ ᐊᕐᓀᑦ ᐊᒻᒪᓗ ᐸᓃᑦ ᐱᒋᐊᕐᑎᓯᓯᒪᔪᑦ ᐊᒻᒪᓗ ᐃᓚᐅᕕᖃᕐᐸᓱᑎᒃ ᐊᒥᓱᐃᓂ ᐃᓕᓐᓂᐊᑎᑦᓯᓂᕐᓄᑦ ᓴᐳᑦᔭᐅᔪᓂ ᓴᑐᕐᕖᑯᓐᓄᑦ. ᐱᓇᓱᐊᕐᑌᑦ ᐱᕙᓪᓖᒋᐊᕈᑕᐅᓲᑦ ᐅᑭᐅᖃᖃᑎᒌᖕᖏᑐᑦ ᓱᖃᑦᓯᖃᑎᒌᓐᓂᖏᓐᓂᒃ ᐆᑦᑑᑎᒋᑦᓱᒋᑦ ᒥᕐᓱᓂᕐᓂᒃ ᐃᓕᓐᓂᐊᑎᑦᓯᓃᑦ ᐱᖁᓯᐅᕐᓃᑦ ᐊᒻᒪᓗ ᓇᑦᓯᔭᓂᒃ ᑲᒻᒥᐅᓃᑦ, ᐊᒻᒪᓗ ᐅᕕᒃᑫᑦ ᐊᐅᓪᓛᓯᒪᕕᒻᒦᑎᑕᐅᑦᓱᑎᒃ ᐊᒻᒪᓗ ᐅᖄᖃᑎᒌᒍᑎᖃᖃᑦᑕᓱᑎᒃ ᓴᐳᑦᔭᐅᓂᖃᕐᓱᑎᒃ ᐃᓕᖓᔪᓄᑦ ᐱᓀᓗᑕᕐᓄᑦ ᓱᓇᐅᑦᓴᖏᒻᒧᑦ ᐃᕐᓯᓇᕿᕕᐅᓂᕐᓄᑦ, ᐃᒻᒥᓂᐊᕐᑎᓯᑦᑌᓕᓂᕐᓄᑦ, ᐊᒻᒪᓗ ᐁᑉᐸᕇᑦᓯᐊᕈᑎᓂᒃ ᓄᐃᑎᕆᓂᕐᓄᑦ. ᓴᑐᕐᕖᑯᑦ ᑫᓪᓗᑐᐃᕙᑦᑐᑦ ᐊᕐᓇᓂᒃ ᓄᐃᑎᕆᖁᑦᓱᒋᑦ ᓄᑖᓂ ᐱᓇᓱᒐᕐᓂᒃ, ᓱᖃᑦᓯᑎᑦᓯᐅᑎᓂᒃ, ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᓴᐳᑦᔨᐅᑎᐅᓚᖓᔪᓂᒃ ᖃᓄᐃᖕᖏᓯᓂᐊᕐᓂᖏᓐᓂᒃ ᐊᕐᓀᑦ, ᐸᓃᒃ, ᐊᒻᒪᓗ ᓄᓇᓖᑦ.

ᓴᑐᕐᕖᑯᑦ ᑫᓪᓗᑐᐃᕙᑦᑐᑦ ᐊᕐᓇᓂᒃ ᓄᐃᑎᕆᖁᑦᓱᒋᑦ ᓄᑖᓂ ᐱᓇᓱᒐᕐᓂᒃ, ᓱᖃᑦᓯᑎᑦᓯᐅᑎᓂᒃ, ᐊᒻᒪᓗ ᐃᓕᓐᓂᐊᑎᑦᓯᓂᕐᓄᑦ ᓴᐳᑦᔨᐅᑎᐅᓚᖓᔪᓂᒃ ᖃᓄᐃᖕᖏᓯᓂᐊᕐᓂᖏᓐᓂᒃ ᐊᕐᓀᑦ, ᐸᓃᒃ, ᐊᒻᒪᓗ ᓄᓇᓖᑦ.

ᓄᓇᓕᓐᓂ ᐱᓇᓱᒉᑦ ᑮᓇᐅᔭᖃᕐᑎᑕᐅᒍᑎᖏᑦ

ᑐᑦᓯᕌᒍᒍᓐᓇᑐᑦ ᓄᓇᓕᓐᓂ ᐱᓇᓱᐊᕐᑕᐅᓚᖓᔪᓂᒃ ᑮᓇᐅᔭᖃᕐᑎᓯᐅᑎᑦᓭᑦ, ᐱᑕᑦᓯᑐᕐᓗᒋᑦ ᑐᑦᓯᕋᐅᑏᑦ ᖃᕆᑕᐅᔭᒃᑯᑦ ᓄᐃᑕᐅᒍᓐᓇᑐᑦ ᐱᑕᑦᓯᑐᒉᑦ, ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᓄᐃᑕᔪᑦ PDF-ᒦᑦᑐᑦ ᐱᑕᑦᓯᑐᓚᖓᓗᒋᑦ ᐊᒻᒪᓗ ᑐᔫᑎᒋᓗᒋᑦ ᐊᓪᓚᓯᒪᔪᕐᓂᐊᕕᒃᑯᑦ ᐅᕗᖓ:

ᓴᑐᕐᕖᑦ ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ, C/O ᑲᑎᕕᒃ ᓄᓇᓕᓕᒫᓂ ᐊᒻᒪᓗ ᓄᓇᓕᓐᓂ ᐱᕙᓪᓕᐊᓂᓕᕆᓂᕐᓄᑦ ᐱᓇᓱᕝᕕᖓ, P.O. Box 9, Kuujjuaq, Qc J0M 1C0 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᓪᓚᕕᖓᓄᑦ ᐆᒧᖓ projects@saturviit.ca

ᓄᓇᓕᓐᓂ ᐱᓇᓱᒉᑦ ᐃᑲᔪᕐᓯᔭᐅᓯᒪᔪᑦ

No Results Found

The page you requested could not be found. Try refining your search, or use the navigation above to locate the post.

ᐊᓯᖏᓐᓂ ᓄᓇᓕᓐᓂ ᐱᓇᓱᒉᑦ ᓴᐳᑦᔨᓯᒪᔭᖏᑦ ᓴᑐᕐᕖᑯᑦ

ᐃᓕᓴᕐᕕᒥ ᐊᒻᒪᓗ ᐊᕐᓀᑦ ᐃᑲᔪᕐᑎᒌᕝᕕᖏᑦ

ᐃᓕᓴᕐᕕᒥ ᐊᒻᒪᓗ ᐊᕐᓀᑦ ᐃᑲᔪᕐᑎᒌᕝᕕᖏᑦ ᐃᓘᓐᓀᓂ ᓄᓇᓕᓐᓂ ᐸᕐᓀᓂᖁᔭᐅᓯᒪᔪᑦ ᓱᖃᑦᓯᑎᑦᓯᓂᑦᓴᓂᒃ ᓯᓚᕐᔪᐊᒥ ᑲᒃᑲᓛᑦ ᐅᓪᓗᖁᑎᖓᓂ, ᓅᕕᒻᐱᕆ 20, 2013-ᒥ. ᑕᓪᓕᒪᐅᔪᖕᖏᒐᕐᑐᑦ ᓄᓇᓖᑦ ᐃᓚᐅᓚᐅᕐᓯᒪᔪᑦ.

ᐃᓄᑦᔪᐊᒥ ᐅᕕᒃᑫᑦ ᐊᒻᒪᓗ ᐃᓄᑐᙯᑦ

ᐃᓄᑦᔪᐊᒥ, ᐊᓈᓀᑦ ᐃᓚᒌᕝᕕᖓ ᑲᔪᓯᑎᑦᓯᓯᒪᔪᑦ ᐱᓇᓱᐊᕈᑦᔨᐅᑎᒥᒃ ᐅᕕᒃᑲᓂᒃ ᐃᓄᑐᖃᕐᓂᒃ ᑲᑎᒪᑦᓯᓂᖃᕐᑎᓱᒋᑦ, ᐅᓂᒃᑳᑎᓪᓗᒋᑦ ᓈᓚᑦᑎᓱᒋᑦ ᐊᒻᒪᓗ ᐊᔪᖀᒋᐊᕐᑎᓱᒋᑦ ᐃᓚᒌᓐᓂᓄᐊᖓᔪᓂᒃ, ᓲᓱᑦᓴᐅᑎᓂᕐᓂᒃ, ᐃᓅᓯᕐᒥ ᓈᒻᒪᑐᓂᒃ ᑐᑭᑖᕈᑎᖃᕐᓂᒥᒃ, ᓱᓇᐅᑦᓴᖏᒻᒧᑦ ᐃᕐᓯᓇᕿᕝᕕᖃᕐᓂᐅᑉ ᐃᓱᒪᒋᔭᐅᓂᖏᓐᓂᒃ, ᐊᕕᑦᓯᐊᐸᒋᐊᖃᕐᓂᓂᒃ, ᕿᑐᕐᖏᐅᓯᐊᕐᓂᓂᒃ, ᐊᒻᒪᓗ ᐊᓯᖏᓐᓂᒃ ᐅᖃᐅᓯᑦᓴᓂᒃ. ᑖᓐᓇ ᐱᓇᓱᐊᕐᑎᓯᓂᖅ ᑲᔪᓯᑎᑕᐅᓯᒪᔪᖅ ᕕᕗᐊᔨ 2013-ᒥ.

ᖁᐊᖅᑕᒥ ᐃᓄᐃᑦ ᒥᕐᓱᕈᓯᖏᓐᓂᒃ ᒥᕐᓱᕆᐅᕐᓴᑎᑦᓯᓃᑦ

ᖁᐊᖅᑕᒥ, ᐅᐃᕝᒥᐅᑦ ᐃᓗᒡᒍᓯᓕᕆᔨᖏᑦ ᑲᔪᓯᑎᑦᓯᓯᒪᔪᑦ ᐃᓄᐃᑦ ᒥᕐᓱᕈᓯᖏᓐᓂᒃ ᐃᓕᓐᓂᐊᑎᑦᓯᓂᕐᒥᒃ ᐅᕕᒃᑲᓂᒃ ᕿᑐᕐᖓᓕᓐᓂᒃ: ᐊᑎᒋᓕᐅᕐᓂᖅ, ᐱᖁᓯᐅᕐᓂᖅ (ᑖᓐᓇ ᐃᑎᕕᐊᓂᒻᒥᐅᑎᑐᑦ ᓴᐸᖓᓕᐅᕐᓂᖅ) ᐊᒻᒪᓗ ᑲᒻᒥᐅᓂᖅ, ᕕᕗᐊᔨ 11-ᒥᑦ ᒫᑦᓯ 4-ᒧᑦ 2013-ᒥ.

ᑲᖏᕐᓱᐊᓗᑦᔪᐊᒥ ᒥᕐᓱᕆᐅᕐᓴᑎᑦᓯᓃᑦ

ᑲᖏᕐᓱᐊᓗᑦᔪᐊᑉ ᓄᓇᓕᖓᓂ ᒥᕐᓱᕆᐅᕐᓴᑎᑦᓯᓂᖃᕐᓯᒪᔪᑦ 2014 ᐅᑭᐊᖓᓂ ᐊᕐᓀᑦ ᐃᓄᐃᑦ ᓇᑦᓯᔭᓂᒃ ᑲᒻᒥᐅᕈᓯᖏᓐᓂᒃ ᐃᓕᓴᕐᑕᐅᑎᓪᓗᒋᑦ. ᓄᓇᓕᓐᓂ ᐃᓄᑐᙯᑦ ᑲᔪᓯᑎᑦᓯᓯᒪᔪᑦ ᐃᓕᓐᓂᐊᑎᑦᓯᓂᕐᒥᒃ ᐊᒻᒪᓗ ᖃᐅᔨᒪᔭᒥᓂᒃ ᐃᓕᓭᑦᓱᑎᒃ ᐅᕕᒐᕐᓂᓴᕐᓂᒃ ᐊᕐᓇᓂᒃ.

ᑰᑦᔪᐊᒥ ᒥᕐᓱᕆᐅᕐᓴᑎᑦᓯᓃᑦ

ᑰᑦᔪᐊᑉ ᓄᓇᓕᖓᓂ ᑲᔪᓯᑎᑦᓯᓂᖃᓚᐅᔫᖅ ᒫᑦᓯᐅᑉ ᐊᒻᒪᓗ ᓯᑉᑎᒻᐱᕆᐅᑉ 2014-ᒥ ᐊᑯᓐᓂᖓᓂ ᐊᒥᓱᐃᓂᒃ ᐱᒋᐅᕐᑎᓯᑦᓱᑎᒃ ᐊᕐᓀᑦ ᐃᓄᐃᑦ ᒥᕐᓱᕈᓯᖏᓐᓂᒃ ᐃᓕᓐᓂᐊᑎᑕᐅᑎᓪᓗᒋᑦ (ᑕᕐᓯᑐᐃᓂᕐᒥᒃ ᐊᒻᒪᓗ ᐱᓗᐊᕐᑐᒥᒃ ᐱᖁᓯᐅᕐᓂᒥᒃ, ᐃᑎᕕᐊᓂᒥᐅᑎᑐᑦ ᓴᐸᙰᑦ) ᐃᓕᓐᓂᐊᑎᑕᐅᑦᓱᑎᒃ ᐃᓄᑐᖃᐅᓂᕐᓴᓄᑦ. ᑮᓇᐅᔭᖃᕐᑎᑕᐅᒍᑎᖏᑦ ᐊᑐᕐᑕᐅᓚᐅᔫᑦ ᐊᑭᓖᒍᑕᐅᑦᓱᑎᒃ ᐱᓇᓱᐊᕐᑎᓯᔪᓂᒃ ᐊᒻᒪᓗ ᒥᕐᓱᕋᑦᓴᓂᒃ ᓂᐅᕕᕈᑕᐅᑦᓱᑎᒃ.

ᐊᑯᓕᕕᒻᒥ ᖃᔭᕆᐊᕐᑐᑎᑦᓯᓃᑦ

ᐊᑯᓕᕕᐅᑉ ᓄᓇᓕᖓᓂ ᑲᔪᓯᑎᑕᐅᓚᐅᔫᑦ ᖃᔭᕆᐊᕐᑐᑎᑕᐅᓂᖏᑦ ᐊᓈᓇᒋᔭᐅᔪᑦ ᕿᕐᖓᖏᓪᓗ ᕿᑐᕐᖓᒥᓄᑦ ᑲᒪᔨᒋᔭᐅᔪᑐᐊᑦ ᐊᐅᒍᓯᑎ 2014 ᓄᖑᓕᕐᑎᓗᒍ. ᐃᖃᓗᑦᓯᐅᓚᐅᔫᑦ ᐊᒻᒪᓗ ᓄᓂᕙᒋᐊᕐᓱᑎᒃ ᕿᑭᕐᑕᓄᑦ ᖃᓂᑦᑐᓄᑦ ᐃᓕᓐᓂᐊᑎᑕᐅᑎᓪᓗᒋᓪᓗ ᖃᐅᔨᒪᒋᐊᓕᖏᓐᓂᒃ ᐊᒻᒪᓗ ᓱᖃᑦᓯᖑᐊᖃᑎᖃᕐᓱᑎᒃ ᕿᑐᕐᖓᒥᓂ ᐊᕐᓀᑦ ᐊᓈᓇᒋᔭᐅᔪᑦ. ᑮᓇᐅᔭᖃᕐᑎᓯᐅᑏᑦ ᐊᑐᕐᑕᐅᓚᐅᔫᑦ ᖃᔭᕆᐊᓂᒃ ᐊᑦᑕᑐᕈᑎᓂᒃ ᐊᑭᓖᒍᑕᐅᑦᓱᑎᒃ ᐊᒻᒪᓗ ᑳᓴᓖᕐᓯᒍᑕᐅᑦᓱᑎᒃ.

Pin It on Pinterest

ᐊᐅᓚᓯᒪᔭᕗᑦᓄᓇᓕᓐᓂ ᐱᓇᓱᒉᑦ