Menu

ᐃᓕᓐᓂᐊᑎᑦᓯᓃᑦ ᐊᕐᓇᓂᒃ

ᐃᓕᓐᓂᐊᑎᑦᓯᓃᑦ ᐊᕐᓇᓂᒃ

Sivumut: Toward the Future

Leadership Training Workshops across Nunavik

Saturviit Inuit Women’s Association of Nunavik is pleased to invite Nunavik women to participate in Sivumut: Toward the future, Leadership Training for Women in their communities. Leadership training is a five-day workshop designed to support women who want to get involved in their community or region by introducing them to special tools for building self-confidence, healing, communication skills, healthy relationships, leadership skills, and personal finance knowledge. The program enables women to learn from other Inuit women, to share personal experiences and concerns, and to learn collectively about their own areas of interest and about their community’s goals. Participants also have the opportunity to meet in the evenings for sewing and to watch videos about the political history of Nunavik and about Inuit women leaders.

Contact information:
Email: leadership@saturviit.ca
Phone: 1-866-944-5003

Leadership training was held in each community of the Hudson Coast in 2017.

Then in the winter and spring of 2018, eight more workshops were held in the Hudson Straight and Ungava regions.

Future leadership training workshops will be announced in 2019.

ᐊᐅᐸᓗᒃ

ᒣ 8-ᒥᑦ 13-ᒧᑦ, 2018

ᐊᐅᐸᓗᒻᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᖅ ᑲᔪᓯᑎᑕᐅᓯᒪᔪᖅ ᒥᕐᓱᕕᒻᒥ. ᐱᖓᓲᔪᕐᑐᑦ ᐃᓚᐅᓚᐅᔫᑦ. ᓲᓯ ᐅᓂᖕᓇᒃ ᐃᓕᓐᓂᐊᑎᑦᓯᔨᐅᓚᐅᔫᖅ ᐊᒻᒪᓗ ᓗᐃᓴ ᑯᔦ ᐃᑦᑐᖅ ᐃᓕᓐᓂᐊᑎᑦᓯᔨᒧᑦ ᐃᑲᔪᕐᑎᒋᔭᐅᑎᓪᓗᒍ. ᐊᕐᓀᑦ ᐃᓚᐅᓚᐅᔫᑦ ᓯᕗᓕᕐᑎᐅᓂᕐᓄᑦ ᐃᓕᓐᓂᐊᑎᑦᓯᓂᕐᓄᑦ ᐱᓇᓱᐊᕐᑕᐅᔪᓄᑦ ᐊᒻᒪᓗ ᐱᒋᐅᕐᓴᑎᑕᐅᑦᓱᑎᒃ, ᑕᑯᓐᓇᑎᑕᐅᑦᓱᑎᒃ ᓴᑐᕐᕖᑯᑦ ᑕᑯᓐᓇᕋᑦᓴᖏᓐᓂᒃ, ᐊᒻᒪᓗ ᐃᓚᒌᓐᓂᒥᒍᑦ ᐃᓕᑦᓯᔭᒥᓂᒃ ᐅᖃᐅᓯᖃᕐᓱᑎᒃ. ᐅᖃᐅᓯᑦᓴᒥᓂᒃ ᑲᔪᓯᒍᓐᓇᑎᑦᓯᖃᑦᑕᓚᐅᔫᑦ ᓱᖃᑦᓯᓱᑎᒃ ᐊᒻᒪᓗ ᐃᒻᒥᓂᒃ-ᑲᒪᑦᓯᐊᓂᕐᓄᐊᖓᔪᓂᒃ ᓄᕐᖃᖓᑫᓐᓇᕕᓐᓂ ᐅᖃᐅᓯᖃᕆᐊᓪᓚᕈᓐᓇᖃᑦᑕᓱᑎᒃ.

ᑕᓯᐅᔭᖅ

ᐁᐸᔭᓕ 23-ᒥᑦ 27-ᒧᑦ, 2018

ᐃᓕᓐᓂᐊᑎᑦᓯᔨᐅᓚᐅᔫᖅ ᓗᐃᓴ ᕗᐃᑦᓕ-ᑕᕐᕿᐊᐱᒃ ᐊᒻᒪᓗ ᒫᑕ ᐋᓇᓈᒃ ᐊᕐᓇᑐᖅ ᐃᑲᔪᕐᑎᒋᔭᐅᑎᓪᓗᒍ. 5 ᐊᕐᓀᑦ ᐃᓚᐅᔪᐅᔫᑦ ᐃᓕᓐᓂᐊᑎᑦᓯᓂᕐᒧᑦ ᐊᑑᑎᓚᐅᔫᖅ ᐃᖃᓗᑉᐱᒃ ᓯᓂᑦᑕᕕᐅᑉ ᑲᑎᒪᕕᖓᓂ. ᐊᒥᓱᑦ ᙯᖁᔭᐅᓯᒪᔪᑦ ᐅᖃᐅᓯᖃᓚᐅᔫᑦ ᓲᓱᒋᐅᑎᑦᓯᐊᕆᐊᖃᕐᓂᒥᒃ ᐊᒻᒪᓗ ᐅᖄᖃᑎᒌᑦᓯᐊᐸᒋᐊᖃᕐᓃᑦ ᓄᐃᑎᕐᐸᓕᐊᓗᒋᑦ ᐃᓗᓯᕐᓱᓯᐊᕐᓇᑐᑦ ᐃᓅᖃᑎᒌᓐᓂᑦ, ᓄᓇᓕᓐᓂ, ᓯᕗᓕᕐᑎᐅᓂᕐᓂ ᐱᕕᑦᓭᑦ, ᐊᒻᒪᓗ ᐋᕐᖀᒍᑎᒋᓲᖏᑦ ᑲᑐᑦᔨᔪᑦ ᐱᓇᓱᒐᕐᒥᒃ ᕿᓄᒍᑎᓂᒃ.

ᑲᖏᕐᓱᔪᐊᖅ

ᐁᐸᔭᓕ 9-ᒥᑦ 13-ᒧᑦ, 2018

ᑲᖏᕐᓱᔪᐊᒥ ᓯᕗᓕᕐᑎᐅᓂᕐᓄᑦ ᐃᓕᓐᓂᐊᑎᑦᓯᓂᖅ ᓄᓇᓖᑦ ᐃᙯᓕᓴᕐᕕᖓᑕ ᑲᑎᒪᕕᖓᓃᓚᐅᔫᖅ 9 ᐃᓚᐅᑎᓪᓗᒋᑦ, ᐊᒻᒪᓗ ᐋᓂ ᑎᕐᑎᓗᒃ ᐃᓕᓐᓂᐊᑎᑦᓯᔨᐅᑎᓪᓗᒍ ᐊᒻᒪᓗ ᐋᑦᑕᓯ ᖃᕆᓴᖅ ᐃᑲᔪᕐᑎᐅᑎᓪᓗᒍ. ᐊᑦᔨᒌᖕᖏᑐᓂᒃ ᐱᓇᓱᐊᕐᑎᑕᐅᖃᑦᑕᑎᓪᓗᒋᑦ, ᐃᓚᐅᔪᑦ ᐅᖃᐅᓯᖃᖃᑦᑕᓚᐅᔫᑦ ᓯᕗᓕᕐᑎᐅᓂᕐᓂᒃ ᐊᕐᓀᑦ ᐃᓱᒪᒋᔭᖏᑎᒍᑦ, ᐊᒻᒪᓗ ᐃᓄᑐᙯᑦ ᐃᓚᐅᖃᑦᑕᓚᐅᔫᑦ ᑐᓴᕐᑎᓯᑦᓱᑎᒃ ᐅᖃᐅᓯᖃᕐᓱᑎᓗ ᐊᑦᔨᒌᖕᖏᑐᓂᒃ ᐱᑦᔪᑎᖃᕐᓱᑎᒃ. ᐊᓪᓚᑎ-ᑮᓇᐅᔭᓕᕆᔨ ᐹᓴ ᑭᐊᑌᓐᓇᖅ ᑕᑯᓂᐊᓚᐅᔫᖅ ᐃᓕᓴᕐᑐᓂᒃ ᐅᖃᐅᓯᕆᔭᐅᑎᓪᓗᒋᑦ ᑮᓇᐅᔭᖃᕐᑎᓯᐅᑏᑦ ᐊᒻᒪᓗ ᐸᑦᔭᓕᐅᕐᓃᑦ. ᑲᑎᒪᔪᑦ ᖁᕕᐊᓱᖃᑎᒌᓚᐅᔫᑦ ᓂᕆᖃᑎᒌᑦᓱᑎᒃ ᐃᓕᓐᓂᐊᑎᑦᓯᓂᐅᑉ ᐅᒃᑯᐊᑕᐅᓂᕆᔭᖓᓂ.

ᑲᖏᕐᓱᐊᓗᑦᔪᐊᖅ

ᒫᑦᓯ 19-ᒥ 23-ᒧᑦ, 2018

ᑲᖏᕐᓱᐊᓗᑦᔪᐊᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᖅ ᖃᕐᒫᐱᒃ ᐃᓪᓗᒦᓚᐅᔫᖅ ᐊᒻᒪᓗ ᐃᓕᓐᓂᐊᑎᑦᓯᑎᓪᓗᒍ ᓈᓐᓯ ᐃᑦᑐᖅ ᐃᓚᐅᑎᓪᓗᒋᑦ 14 ᐊᒻᒪᓗ ᐃᑲᔪᕐᑎᐅᑎᓪᓗᒍ, ᓵᓚᑎ ᓯᓅᐹᓪ. ᓈᓐᓯ ᑲᔪᓯᑎᑦᓯᖃᑦᑕᓚᐅᔫᖅ ᕿᑦᑌᖓᓇᕐᑐᓂᒃ ᐱᓇᓱᐊᕐᑎᓯᐅᑎᓂᒃ ᐃᓚᐅᔪᓂᒃ, ᐊᒻᒪᓗ ᓄᓇᓖᑦ ᓯᕗᓕᕐᑎᖓ ᕼᐃᓪᑕ ᓯᓅᐹᓪ ᐃᓚᐅᓯᓚᐅᔪᑦᓱᓂ ᐅᓪᓗᖏᑦᑕ 2-ᒍᒍᑎᖓᓂ. ᐅᖃᐅᓯᕆᔭᐅᖃᑦᑕᓚᐅᔫᑦ ᐅᓪᓗᒥ 5-ᓂ ᐊᑦᔨᒌᖃᑦᑕᓚᐅᔪᖕᖏᑐᑦ ᐃᓚᒌᓂ ᐱᒋᐊᖃᑦᑕᓂᕐᓄᑦ ᐃᕐᓯᓇᕿᕝᕕᖃᕐᓂᓄᑦ, ᐁᑉᐸᕇᑦᓯᓂᕐᓄᑦ ᐊᒻᒪᓗ ᐋᖓᔮᓐᓇᑐᐃᑦ ᐊᑐᕐᓂᓗᑦᑕᐅᓂᖏᓐᓄᑦ, ᑖᒃᑯᐊ ᐅᕕᒐᕐᓂᓭᑦ ᐃᓚᐅᔪᑦ ᐃᑉᐱᒍᓱᓪᓚᕆᓚᐅᔫᑦ ᓄᐃᑦᓯᕙᓪᓕᐊᓂᕐᓂᒃ ᑲᔪᓯᑦᓯᐊᕈᓐᓇᐅᑎᓂᒃ ᐆᑦᑑᑎᒋᑦᓱᒋᑦ ᐃᒻᒥᓂ-ᐱᕙᓪᓕᐊᑎᒋᐊᕐᓂᖅ, ᐃᒻᒥᓂ-ᓈᒻᒪᒋᓂᖅ ᐊᒻᒪᓗ ᐃᓅᖃᑎᖃᑎᒌᑦᓯᐊᕈᓐᓇᐅᑏᑦ ᐊᒻᒪᓗ ᑲᑐᑦᔨᓱᑎᒃ ᓄᐃᑦᓯᓚᐅᔪᑦᓱᑎᒃ ᐱᓇᓱᐊᖃᑎᒌᑦ ᐱᓇᓱᒐᕐᒥᒃ ᐸᑦᔭᓕᐅᖃᑎᒌᒍᑎᖓᓂᒃ. ᐃᓚᐅᔪᑦ ᐃᓇᖁᓇᕐᑐᒪᕆᒻᒥᒃ ᑲᑐᑦᔨᓱᑎᒃ ᑕᑯᒥᓇᕐᑐᓕᐅᓚᐅᔪᒻᒥᔪᑦ, ᐊᒻᒪᓗ ᐱᓇᓱᐊᖃᑎᒌᑉᐸᖏᓐᓈᓱᑎᒃ ᐃᓕᓐᓂᐊᕇᕐᓯᒪᓕᕋᓗᐊᕋᒥᒃ ᓄᐃᑦᓯᖃᑎᒌᓐᓂᓄᑦ ᓯᕗᓂᕐᒥ ᓄᓇᓕᓐᓂ ᐱᓇᓱᕐᑕᐅᔪᑦᓴᓄᑦ.

ᑰᑦᔪᐊᖅ

ᒫᑦᓯ 19-ᒥ 23-ᒧᑦ, 2018

ᑰᑦᔪᐊᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᕐᒥᒃ ᑲᔪᓯᑎᑦᓯᓚᐅᔫᖅ ᓖᓴ ᖁᐱᕐᕈᐊᓗᒃ. 10 ᐊᕐᓀᑦ ᐃᓚᐅᓚᐅᔫᑦ. ᑕᑯᓐᓇᕋᑦᓴᓕᐊᕕᓂᖅ ᒥᐊᔨ ᓭᒪᓐ ᐅᖄᑎᓪᓗᒍ ᐃᓱᒪᑖᕈᑕᐅᑦᓯᐊᕆᐊᖓ ᐃᓱᒪᒋᔭᐅᓚᐅᔫᖅ, ᐊᒻᒪᓗ ᓖᓴ ᓯᕗᓕᕐᑎᐅᓂᕐᓄᐊᖓᓪᓚᕆᑦᑐᓂᒃ ᑲᔪᓯᑦᓯᐊᕈᓐᓇᐅᑎᓂᒃ ᐊᒻᒪᓗ ᐃᓄᓐᓂᒃ ᐊᒥᓱᓂᒃ ᐅᖃᐅᑦᔪᐃᒍᓯᓂᒃ ᐱᒋᐅᕐᓴᑎᑦᓯᓱᓂ ᐃᓚᐅᔪᓂᒃ. ᐊᒥᓱᑦ ᐅᖃᐅᓯᐅᓚᐅᔫᑦ ᐃᓚᐅᑎᓪᓗᒋᑦ ᐋᖓᔮᓐᓇᑐᓂᒃ ᐊᑐᕐᓂᓗᓐᓂᖅ, ᓯᕗᓕᕐᑎᐅᓂᖅ, ᓄᓇᕕᐅᑉ ᐱᕙᓪᓕᐊᓯᒪᓂᖓ, ᑮᓇᐅᔭᖃᕐᑎᓯᐅᑏᑦ ᐊᒻᒪᓗ ᐸᑦᔭᓕᐅᕐᓃᑦ, ᐊᒻᒪᓗ ᐱᓇᓱᒐᕐᓂᒃ ᐃᓚᒥᓂᓪᓗ ᐱᕕᑦᓴᒥᓂᒃ ᑲᓱᕐᓯᒪᑎᑦᓯᒍᓐᓇᐅᑏᑦ.

ᖁᐊᖅᑕᖅ

ᒫᑦᓯ 20-ᒥᑦ 23-ᒧᑦ, 2018

ᐋᓂ ᑎᕐᑎᓗᒃ ᐃᓕᓐᓂᐊᑎᑦᓯᔨᐅᓚᐅᔫᖅ ᖁᐊᖅᑕᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᕐᒥ 5 ᓄᓇᓕᓐᓂᑦ ᐱᓯᒪᔪᑦ ᐃᓚᐅᑎᓪᓗᒋᑦ. ᐋᓂ ᐊᕐᓇᑐᖅ, ᓴᑐᕐᕖᑯᑦ ᐊᖓᔪᕐᖄᖓ, ᑐᓴᕐᑎᓯᓚᐅᔫᖅ ᐃᓚᒌᓂ ᐱᒋᐊᖃᑦᑕᓂᕐᓄᐊᖓᔪᓂᒃ ᐃᕐᓯᓇᕿᕝᕕᖃᕐᓂᓄᐊᖓᔪᓂᒃ ᐊᒻᒪᓗ ᐁᑉᐸᕇᑦᓯᐊᓂᕐᓄᐊᖓᔪᓂᒃ. ᓘᓯ ᕿᑎᖅ, ᐊᓪᓚᑎ-ᑮᓇᐅᔭᓕᕆᔨᐅᑉ ᐃᑲᔪᕐᑎᖓ, ᓯᑕᒻᒥᑐᓂ ᙯᓚᐅᔫᖅ ᐃᑲᔪᕆᐊᕐᓱᓂ ᑮᓇᐅᔦᑦ ᐊᐅᓚᑕᐅᒍᓯᖏᓐᓂᒃ ᐊᒻᒪᓗ ᐸᑦᔭᓕᐅᕐᓂᒥᒃ ᐃᓕᓐᓂᐊᑎᑦᓯᓂᕐᒥᒃ. ᐃᓄᑐᖃᖅ ᓗᐃᓴ ᑯᓪᓗᓛᖅ ᐅᓪᓗᓂ 3-ᓂᒃ ᐃᓕᓴᕐᑐᓃᖃᑦᑕᓚᐅᔫᖅ ᐊᑐᕐᓯᒪᔭᒥᓂᒃ ᐅᖄᒍᑎᖃᕆᐊᕐᑐᓯᒪᖃᑦᑕᓱᓂ ᐊᒻᒪᓗ ᐊᕐᓇᓃᒋᐊᕐᑐᓯᒪᑦᓱᓂ. ᓂᕆᖃᑎᒌᓚᐅᔫᑦ, 2 ᓂᕐᓯᐅᑏᒃ ᐊᑐᐃᓐᓇᕈᕐᑎᑎᓪᓗᒋᒃ ᓂᕿᑦᓯᐊᒪᕆᓐᓂᒃ ᐃᓚᐅᔪᑦ ᓂᕆᓚᖓᔭᖏᓐᓂᒃ ᐊᒻᒪᓗ ᙯᖁᔭᐅᓯᒪᔪᑦ.

ᑲᖏᕐᓱᒃ

ᒫᑦᓯ 5-ᒥᑦ 9-ᒧᑦ, 2018

ᑲᖏᕐᓱᒥ ᐃᓕᓐᓂᐊᑎᑦᓯᓚᐅᔫᖅ ᐋᓂ ᑎᕐᑎᓗᒃ ᐊᒻᒪᓗ ᐄᒪ ᒪᓂᒃ ᐃᑲᔪᕐᑎᐅᑎᓪᓗᒍ. 13 ᐊᕐᓀᑦ ᐃᓚᐅᓚᐅᔫᑦ ᐊᒻᒪᓗ ᑲᔪᓯᓚᐅᔪᑦᓱᓂ ᓄᓇᓖᑦ ᑲᕙᒫᐱᖓᑕ ᑲᑎᒪᕕᖓᓂ. ᔫᓯᐱ ᐋᓇᖃᑕᒃ, ᓄᓇᓖᑦ ᑲᕙᒫᐱᖓᑕ ᐊᓪᓚᑎ-ᑮᓇᐅᔭᓕᕆᔨᖓ, ᑐᓴᕐᑎᓯᓚᐅᔫᖅ ᐱᓯᑎᐅᒍᑎᒥᓂᒃ ᐃᓕᖓᔪᓂᒃ ᐸᑦᔭᓕᐅᕐᓂᓄᑦ ᐊᒻᒪᓗ ᑮᓇᐅᔭᓕᕆᓂᕐᓄᑦ. ᔩᓂ ᓄᖕᖓᖅ ᐅᖃᐅᓯᖃᓚᐅᔫᖅ ᐃᓅᖃᑎᒌᓂ ᐃᓱᐃᓗᑕᐅᓲᓂᒃ ᐃᓕᓴᕐᑐᓂᒃ, ᐊᒻᒪᓗ ᐊᓯᖏᓐᓂᒃ ᓄᓇᓕᓐᓂᑦ ᐱᓯᒪᔪᑦ ᐃᓄᑐᙯᑦ ᐃᓚᐅᑎᑕᐅᓚᐅᔪᒻᒥᔪᑦ ᐃᓕᓐᓂᐊᑎᑦᓯᓂᕐᒧᑦ, ᐃᓚᐅᑎᓪᓗᒍ ᓴᑐᕐᕖᑦ ᐊᖓᔪᕐᖄᖓᑕ ᑐᖓᓕᐊ, ᒥᐊᔨ ᑑᒪᓯ. ᐅᓪᓗᒥ ᑭᖑᓪᓕᐹᒥ ᐃᓚᐅᔪᑦ ᓂᕆᖃᑎᒌᑦᑎᓱᒋᑦ ᐅᒃᑯᐊᑕᐅᓂᖃᓚᐅᔫᖅ.

ᓴᓪᓗᐃᑦ

ᕕᕗᐊᔨ 21-ᒥᑦ 23-ᒧᑦ, 2018

ᓴᓪᓗᓂ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᑎᑦᓯᑎᓪᓗᒋᒃ ᐋᓂ ᑎᕐᑎᓗᒃ ᐊᒻᒪᓗ ᐃᑲᔪᕐᑕᐅᓱᓂ ᑳᓓ ᐃᐊᕐᕕᒧᑦ. ᑲᔪᓯᑎᑕᐅᓚᐅᔫᖅ ᑯᐊᐸᒃᑯᑦ ᓯᓂᑦᑕᕕᖓᑕ ᑲᑎᒪᕕᖓᓂ, 9 ᐊᕐᓀᑦ ᐃᓚᐅᓚᐅᔫᑦ ᐃᓕᓴᕐᓂᒧᑦ. ᓲᓯ ᐊᓚᑯ, ᓴᓪᓗᐃᑦ ᓄᓇᓕᓐᓂ ᐊᓪᓚᑎ-ᑮᓇᐅᔭᓕᕆᔨᖓ, ᐃᑲᔪᓚᐅᔫᖅ ᐅᓪᓗᒥ ᐊᑕᐅᓯᕐᒥ ᐱᓯᑎᐅᒍᑎᒥᓄᑦ ᑮᓇᐅᔭᓕᕆᓂᕐᓂ ᐊᒻᒪᓗ ᐸᑦᔭᓕᐅᕐᓂᓂ. ᓂᕆᖃᑎᒌᓐᓂᖅ ᐸᕐᓀᑕᐅᓯᒪᓚᐅᔫᖅ ᐊᒻᒪᓗ ᓂᕐᓯᐅᖃᑎᒌᑦᓱᑎᒃ ᐅᓪᓗᐃᑦ ᑭᖑᓪᓕᐹᖓᓂ.

ᐃᕗᔨᕕᒃ

ᒫᑦᓯ 13-ᒥᑦ 17-ᒧᑦ, 2017

ᐃᕗᔨᕕᒻᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᖅ ᐃᓕᓐᓂᐊᑎᑦᓯᑎᓪᓗᒋᒃ ᕼᐊᔨᐊᑦ ᑭᓕᐅᑕᖅ ᐊᒻᒪᓗ ᕉᑕ ᑯᑭ. ᑲᔪᓯᑎᑕᐅᓚᐅᔫᖅ ᐃᓕᓴᕐᕕᒥ ᐊᒻᒪᓗ ᑖᕙᓂ ᐃᓕᓴᕐᑕᐅᓱᑎᒃ 8 ᐊᕐᓀᑦ. ᑖᒃᑯᐊ ᐃᓕᓭᔨᕙᓪᓘᓚᐅᔫᑦ. ᒫᑕ ᕿᑦᓱᐊᓕᒃ ᙯᖁᔭᐅᓯᒪᓚᐅᔫᖅ ᐅᖄᒋᐊᕐᑐᑎᑕᐅᑦᓱᓂ ᐊᒻᒪᓗ ᐅᖃᐅᓯᖃᓚᐅᔪᑦᓱᓂ ᐅᐃᕆᓯᒪᓂᕐᓄᐊᖓᔪᓂᒃ ᐊᒻᒪᓗ ᐃᓚᒌᓂ ᐱᒋᐊᖃᑦᑕᓂᕐᓄᐊᖓᔪᓂᒃ ᐃᕐᓯᓇᕿᓂᕐᓄᐊᖓᔪᓂᒃ. ᐊᕐᓀᑦ ᑐᑭᑖᓚᐅᔫᑦ ᒥᕐᓱᖃᑎᒌᓚᖓᑦᓱᑎᒃ ᐊᒻᒪᓗ ᑲᒻᒥᐅᕆᐅᕐᓴᖃᑎᒌᓪᓗᑎᒃ.

ᐊᑯᓕᕕᒃ

ᒫᑦᓯ 6-ᒥᑦ 10-ᒧᑦ, 2017

ᐊᑯᓕᕕᒻᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᖅ ᑲᔪᓯᑎᑕᐅᓚᐅᔫᖅ ᕼᐊᔨᐊᑦ ᑭᓕᐅᑕᕐᒧᑦ ᐊᒻᒪᓗ ᕉᑕ ᑯᑭᒧᑦ. ᑲᔪᓯᑎᑕᐅᓚᐅᔫᖅ ᐋᓐᓂᐊᓯᐅᑎᒃᑯᓂ. ᐅᓪᓘᓂ ᐱᕐᑐᒧᑦ ᐊᒻᒪᓗ ᐃᓕᓴᕐᑐᑦ ᓄᕐᖃᓂᖏᑦ ᓱᒃᑫᓕᑎᑦᓯᓯᒪᓚᐅᔫᑦ ᐃᓕᓐᓂᐊᑎᑦᓯᓂᐅᑉ ᐱᕙᓪᓕᐊᓂᖓᓂᒃ. ᑌᒣᓚᐅᔪᒻᒪᑕ, 4-ᑐᐃᓐᓀᑦ ᐊᕐᓀᑦ ᐃᓕᓐᓂᐊᑎᑦᓯᓂᕐᒧᑦ ᐃᓚᐅᓚᐅᔫᑦ.

ᐃᓄᑦᔪᐊᖅ

ᕕᕗᐊᔨ 27-ᒥᑦ ᒫᑦᓯ 3-ᒧᑦ, 2017

ᐃᓄᑦᔪᐊᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᕐᒥ ᐃᓕᓐᓂᐊᑎᑦᓯᓚᐅᔫᖅ ᕼᐊᔨᐊᑦ ᑭᓕᐅᑕᖅ ᐊᒻᒪᓗ ᕉᑕ ᑯᑭ. ᑲᔪᓯᑎᑕᐅᓚᐅᔫᖅ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓᓂ ᐊᒻᒪᓗ 9 ᐊᕐᓀᑦ ᐃᓚᐅᓚᐅᔪᑦᓱᑎᒃ. ᓯᐊᓯ ᐃᕐᕈᒥᐊᖅ (ᓄᓇᓕᑐᙯᑦ ᐃᑲᔪᖃᑎᒌᑦᑐᑦ) ᐅᖃᐅᓯᖃᕆᐊᕐᑐᓚᐅᔫᖅ ᐅᐃᕆᓯᒪᓂᕐᓄᑦ ᐱᓀᓗᑕᕐᓂᒃ ᐊᒻᒪᓗ ᐃᓚᒌᓂ ᐱᒋᐊᕐᑕᓂᕐᓄᐊᖓᔪᓂᒃ ᐃᕐᓯᓇᕿᓂᕐᓄᐊᖓᔪᓂᒃ. ᐃᓕᓐᓂᐊᑎᑦᓯᓂᕐᒥ, ᐊᕐᓀᑦ ᑲᑎᓯᓚᐅᔫᑦ ᖃᐅᔨᓴᕐᑎᓂᒃ ᐱᓯᒪᔪᓂᒃ ᐱᓇᓱᒐᕐᒥᑦ “ᑯᐯᑉ ᑕᕐᕋᖓᓂᒥᐅᒍᓂᖅ” ᑖᒃᑯᓄᖓ ᐅᖃᐅᓯᖃᓚᐅᔫᑦ ᐃᓪᓗᓭᓪᓘᓂᕐᓂᒃ. ᐃᓚᐅᔪᑦ ᑐᓴᕐᑎᓯᓚᐅᔫᑦ ᑲᔪᓯᑎᑕᐅᖁᔨᓂᕐᒥᓂᒃ ᑖᓂᓯᕆᐅᕐᓴᑎᑦᓯᓂᕐᒥᒃ ᑫᓪᓗᑐᐃᒍᑕᐅᓚᖓᔪᒥᒃ ᖃᓄᐃᖕᖏᓯᐊᕐᓂᒥᒃ ᐊᒻᒪᓗ ᑎᒥᒥᒃ ᐃᑉᐱᒍᓱᑦᓯᐊᕆᐊᖃᕐᓂᒥᒃ.

ᑰᑦᔪᐊᕌᐱᒃ

ᕕᓄᐊᔨ 13-ᒥᑦ 17-ᒧᑦ, 2017

ᑰᑦᔪᐊᕌᐱᒻᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᕐᒥᒃ ᐃᓕᓐᓂᐊᑎᑦᓯᓚᐅᔫᖅ ᕼᐊᔨᐊᑦ ᑭᓕᐅᑕᖅ ᐊᒻᒪᓗ ᕉᑕ ᑯᑭ. ᑲᔪᓯᓚᐅᔫᖅ ᐃᓚᒌᑦ ᐃᓪᓗᖁᑎᖓᓂ ᐊᒻᒪᓗ 18 ᐊᕐᓀᑦ ᐅᑭᐅᓖᑦ ᐊᑦᔨᒌᖕᖏᑐᓂᒃ ᐃᓚᐅᓚᐅᔪᑦᓱᑎᒃ. ᐊᒪᓖᑦ ᐊᔭᒍᑕᖅ ᐅᖄᒋᐊᕐᑐᓚᐅᔫᖅ ᐃᓚᒌᓂ ᐱᒋᐊᖃᑦᑕᓂᕐᒥᒃ ᐃᕐᓯᓇᕿᓂᕐᒥᒃ ᐊᒻᒪᓗ ᓗᐃᓴ ᑯᑭ-ᐳᔭᐅᓐ ᐅᖃᐅᓯᖃᕐᑎᓗᒍ ᐅᐃᕆᓯᒪᓂᕐᒥᒃ. ᒪᕐᕈᐃᒃ ᐱᓇᓱᒑᒃ ᐋᕐᕿᑕᐅᓚᐅᔫᒃ ᑕᕝᕙᓂ ᐃᓕᓐᓂᐊᑎᑦᓯᓂᕐᒥ. ᓯᕗᓪᓕᖅ ᒪᓂᔨᒍᑕᐅᒐᔭᕐᑐᖅ ᐱᐅᓯᑐᖃᕐᑎᒍᑦ ᐊᐅᔭᒥ ᐊᐅᓪᓛᓯᒪᑎᑦᓯᕕᒻᒥᒃ ᑐᕌᒐᖃᕐᑎᓗᒍ ᐃᓄᓐᓂᒃ ᐊᐅᓪᓛᓯᒪᒍᑎᑦᓴᖃᖕᖏᑐᓂᒃ ᐊᐅᓪᓛᓯᒪᑎᑦᓯᓂᕐᒥᒃ ᐱᕙᓪᓕᑎᑦᓯᒋᐊᕐᓂᐅᑎᓪᓗᒍ ᐅᖃᐅᓯᕐᒥᒃ, ᐃᓄᑐᙯᓪᓗ ᐃᓚᒋᓗᒋᑦ ᖃᐅᔨᒪᓂᕐᑖᑎᑦᓯᒋᐊᕐᓂᓂᒃ, ᐊᒻᒪᓗ ᐃᓗᒡᒍᓯᕐᒥᒃ ᐅᐱᒪᒋᔭᖃᕐᓂᒥᒃ. ᑐᖓᓕᐊ ᐱᓇᓱᒐᖅ ᐃᓗᓕᖃᓚᐅᔫᖅ ᑲᑕᑦᔭᓂᕐᒥᒃ ᐃᓕᓐᓂᐊᑎᑦᓯᓂᕐᒥᒃ ᑐᕌᒐᐅᑎᓪᓗᒍ ᓄᐃᑦᓯᓂᖅ ᓇᓗᓀᕐᓯᐅᑎᓂᒃ ᑖᑦᓱᒧᖓᐅᓕᖓᔪᓂᒃ ᐃᓗᒡᒍᓯᑎᒍᑦ ᐱᐅᓯᐅᑦᓱᓂ ᐊᑦᓱᐃᓇᕐᑐᒥᒃ.

ᐅᒥᐅᔭᖅ

ᕕᕗᐊᔨ 6-ᒥᑦ 10-ᒧᑦ 2017

ᐅᒥᐅᔭᕐᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓚᐅᔫᒃ ᕼᐊᔨᐊᑦ ᑭᓕᐅᑕᖅ ᐊᒻᒪᓗ ᕉᑕ ᑯᑭᐊᐱᒃ. ᑲᔪᓯᑎᑕᐅᓚᐅᔫᖅ ᐃᓕᓴᕐᕕᒥ ᐊᒻᒪᓗ 9 ᐊᕐᓀᑦ ᐃᓚᐅᓚᐅᔪᑦᓱᑎᒃ. ᓘᓯ ᖁᒫᓗᒃ ᐅᖄᕕᖃᕆᐊᕐᑐᓚᐅᔫᖅ ᐃᓚᒌᓂ ᐱᒋᐊᕐᑕᓂᕐᓄᐊᖓᔪᓂᒃ ᐊᒻᒪᓗ ᐃᕐᓯᓇᕿᓂᕐᓄᐊᖓᔪᓂᒃ ᐊᒻᒪᓗ ᐅᐃᕆᓯᒪᓂᕐᓄᐊᖓᔪᓂᒃ. ᐃᓕᓐᓂᐊᑎᑦᓯᓂᖃᕐᑎᓗᒍ, ᐊᕐᓀᑦ ᓄᐃᑦᓯᒪᐅᔫᑦ 2-ᓂᒃ ᐱᓇᓱᐊᕋᑦᓵᓂᒃ: ᐃᑲᔪᕈᒪᓂᕐᒧᑦ ᐱᓇᓱᒐᖅ ᐱᓇᓱᐊᖃᑎᒋᓗᒍ ᓄᓇᓕᓐᓂ ᑐᑦᓯᐊᕕᒃ ᐊᒻᒪᓗ ᓄᐃᑕᐅᓂᖏᑦ ᓴᐳᑦᔨᓯᒪᔩᑦ ᐃᓚᒌᑦ ᐃᓄᓐᓂᒃ ᐅᐃᕆᓯᒪᔪᓂᒃ ᐅᕝᕙᓘᓐᓃᑦ ᑲᒪᒃᑭᓗᑦᑕᐅᓯᒪᓂᕐᒥᓄᑦ ᒪᒥᓴᕈᒪᔪᓂᒃ.

ᐳᕕᕐᓂᑐᖅ

ᔭᓄᐊᔨ 30-ᒥᑦ ᕕᕗᐊᔨ 3-ᒧᑦ, 2017

ᐳᕕᕐᓂᑐᒥ ᐃᓕᓐᓂᐊᑎᑦᓯᓚᐅᔫᒃ ᕼᐊᔨᐊᑦ ᑭᓕᐅᑕᖅ ᐊᒻᒪᓗ ᑳᓓ ᐃᐊᕐᕕ. ᑲᔪᓯᑎᑕᐅᓚᐅᔫᖅ ᐃᓄᒻᒪᕇᑦ ᐃᓕᓐᓂᐊᑎᑕᐅᕕᖓᓂ ᐊᒻᒪᓗ 7 ᐊᕐᓀᑦ ᐃᓚᐅᓚᐅᔪᑦᓱᑎᒃ. ᐅᖄᒋᐊᕐᑐᓯᒪᓚᐅᔫᒃ ᒣᓇ ᐴᓐ ᐊᒻᒪᓗ ᓂᐊᓕ ᓇᐹᕐᑐᖅ, ᐱᓯᒪᑦᓱᑎᒃ ᐱᕙᓪᓖᒋᐊᕐᓂᓄᑦ ᐊᒻᒪᓗ ᐱᓂᕐᓗᑌᓕᑎᑦᓯᓂᕐᓄᑦ ᐱᓇᓱᐊᕈᑎᒥᑦ (ᐃᓅᓕᑦᓯᕕᒃ). ᐋᓂ ᑎᕐᑎᓗᒃ ᓄᓇᓕᓐᓂ ᓯᕗᓕᕐᑎᐅᓱᓂ ᙯᖁᔭᐅᓯᒪᓚᐅᔫᖅ. ᐃᓕᓐᓂᐊᓂᖃᕐᓱᑎᒃ, ᐊᕐᓀᑦ ᓄᐃᑦᓯᒍᒪᓚᐅᔫᑦ ᐃᙯᓕᓴᕐᓂᒥᒃ ᑫᓪᓗᐃᒋᐊᕈᑎᒥᒃ ᐊᕐᓀᑦ ᖃᓄᐃᖕᖏᓯᐊᕐᓂᖏᓐᓂᒃ. ᑖᓐᓇ ᐱᓇᓱᒐᖅ ᑲᔪᓯᒋᐊᖃᕐᓯᒪᔪᖅ 2017 ᐊᐅᔭᖓᓂ.

ᒪᓐᑐᔨᐊᓪ

ᔪᓓ 17-ᒥᑦ 22-ᒧᑦ, 2016

ᒪᓐᑐᔨᐊᓚᒥ ᓯᕗᓕᕐᑎᐅᓂᕐᒧᑦ ᐃᓕᓐᓂᐊᑎᑦᓯᓂᕐᒥ ᐃᓕᓐᓂᐊᑎᑦᓯᓚᐅᔫᖅ ᓖᓴ ᖁᐱᕐᕈᐊᓗᒃ. 5 ᐊᕐᓀᑦ ᐃᓚᐅᓚᐅᔫᑦ ᓄᓇᕕᒻᒥᐅᕕᓂᐅᑦᓱᑎᒃ ᒪᓐᑐᔨᐊᓚᒥᐅᒍᓕᕐᑐᑦ. ᐃᓕᓐᓂᐊᑎᑦᓯᓂᖅ ᑲᔪᓯᑎᑕᐅᓚᐅᔫᖅ ᐃᕕᕐᑎᕕᒃ ᐱᒋᐅᕐᓴᑎᑦᓯᕕᒻᒥ. ᐅᖄᒋᐊᕐᑐᓯᒪᓚᐅᔫᖅ ᐹᐳᔭ ᓯᕕᓂ ᒪᒥᓴᕐᕕᒥᐅᖅ (ᐋᑐᕗᐊᒥ), ᐅᖃᐅᓯᖃᓚᐅᔫᖅ ᐃᓚᒌᓂ ᐱᒋᐊᖃᑦᑕᓂᕐᓄᐊᖓᔪᓂᒃ ᐃᕐᓯᓇᕿᕕᖃᕐᓂᓄᐊᖓᔪᓂᒃ, ᐊᒻᒪᓗ ᐋᔅᓕ ᓄᐊᑕᓐ, ᒪᓐᑐᔨᐊᓚᒥ ᓄᓇᖃᕐᖄᑐᕕᓃᑦ ᕿᒫᕕᖓᓂᒥᐅᖅ, ᐅᖃᐅᓯᖃᓚᐅᔫᖅ ᐅᐃᕆᓯᒪᓂᕐᓄᐊᖓᔪᓂᒃ. ᑕᕝᕙᓂ ᐃᓕᓐᓂᐊᑎᑦᓯᓂᕐᒥ, ᐊᕐᓀᑦ ᑐᑭᑖᓚᐅᔫᑦ ᓄᐃᑦᓯᓚᖓᑦᓱᑎᒃ ᒥᕐᓱᓂᕐᓂᒃ ᐃᓕᓐᓂᐊᑎᑦᓯᓂᕐᒥᒃ ᑫᓪᓗᑐᐃᒋᐊᕈᑎᒥᒃ ᐃᓄᓐᓂᒃ ᐊᕐᓇᓂᒃ ᒪᓐᑐᔨᐊᓚᒥᐅᓂᒃ ᑲᑎᖃᑦᑕᖁᑦᓱᒋᑦ ᐊᒻᒪᓗ ᐱᐅᓯᑐᖃᕐᑎᒍᑦ ᖃᐅᔨᒪᒍᑎᒥᓂᒃ ᑐᓴᖃᑦᑕᐅᑎᖃᑦᑕᓗᑎᒃ.

Pin It on Pinterest

ᐊᐅᓚᓯᒪᔭᕗᑦᐃᓕᓐᓂᐊᑎᑦᓯᓃᑦ ᐊᕐᓇᓂᒃ