Menu

ᐊᐅᓚᓯᒪᔭᕗᑦ

ᐊᐅᓚᓯᒪᔭᕗᑦ

ᑲᑎᒪᓂᕐᔪᐊᖏᑦ ᐊᕐᓀᑦ

ᓴᑐᕐᕖᑦ ᑲᑎᒪᓂᕐᔪᐊᖃᕐᑎᓯᕙᑦᑐᖅ ᐃᓄᓐᓂᒃ ᐊᕐᓇᓂᒃ, ᐃᓚᐅᑎᓪᓗᒍ ᐊᕐᕌᒍᒥ ᒪᕐᕈᕕᑦᑕᑐᖅ ᐊᕐᓀᑦ ᑲᑎᒪᓂᒻᒪᕆᒋᕙᑦᑕᖓ ᐊᕐᓇᓕᐊᑦ ᓂᐱᖓ – ᓄᓇᕕᒻᒥ. ᓴᑐᕐᕖᑯᑦ ᐃᓱᒪᒋᔭᓖᑦ ᐅᐃᒪᓇᕐᓂᖓᓂᒃ ᐃᓘᓐᓀᓄᑦ ᐃᓄᓐᓄᑦ ᐊᕐᓇᓄᑦ, ᐅᕕᒃᑲᓄᑦ ᐊᒻᒪᓗ ᐃᓄᑐᖃᕐᓄᑦ, ᐅᖄᕕᑦᓴᖃᕐᑎᑕᐅᕙᓪᓗᑎᒃ ᑐᓴᖃᑦᑕᐅᑎᑎᑕᐅᓗᑎᒃ ᐃᓕᐊᕐᕆᒍᑎᒋᓲᒥᓂᒃ ᐊᒻᒪᓗ ᓯᕗᓂᕐᒥ ᓂᕆᐅᑦᓯᐊᕈᓐᓇᓯᐅᑎᒋᓂᐊᕐᑕᒥᓂᒃ, ᐊᒻᒪᓗ ᐃᓕᑦᓯᖃᑎᒌᑉᐸᓗᑎᒃ ᐊᓯᒥᑕ ᐊᑑᑎᓯᒪᔭᒥᓂᒃ ᐊᒻᒪᓗ ᖃᐅᔨᒪᔭᖏᓐᓂᒃ. ᐅᖃᐅᓯᕆᔦᑦ ᐃᑲᔪᕐᓯᕙᑦᑐᑦ ᐃᓕᒃᑰᑎᕐᑐᓂᒃ ᐃᓄᓐᓂᒃ ᐊᒻᒪᓗ ᐃᓄᓐᓂᒃ ᐊᕐᓇᓂᒃ ᓯᕗᒧᐊᒍᓐᓇᓯᑎᑦᓱᒋᑦ ᐃᓚᒌᓐᓂᒥᒍᑦ ᐋᕐᕿᐸᓪᓕᐊᑎᑦᓯᒍᓐᓇᓯᑦᓱᑎᒃ ᐱᓗᐊᕐᐸᓕᐊᑐᐃᓐᓇᓯᒪᔪᓂᒃ ᐃᓅᖃᑎᒌᓂ ᐱᓀᓗᑕᓂᒃ. ᑐᖓᓕᐊ ᐊᕐᓇᓕᐊᑦ ᓂᐱᖓ ᑲᔪᓯᑎᑕᐅᓛᕐᑐᖅ 2019-ᒥ.

ᐃᓕᓐᓂᐊᑎᑦᓯᓃᑦ ᐊᕐᓇᓂᒃ

ᐊᕐᕌᒍᓂ 10-ᓂ ᐊᓂᒍᕐᓯᒪᓕᕐᑐᓂ, ᓴᑐᕐᕖᑦ ᒪᓂᔨᓯᒪᕙᑦᑐᑦ ᐊᑦᔨᒌᖕᖏᑐᓂᒃ ᐃᓕᓐᓂᐊᑎᑦᓯᓂᕐᓂᒃ ᓄᓇᕕᒻᒥ ᓄᓇᓕᓐᓂ ᒪᓂᔭᐅᓯᒪᕙᑦᑐᓂᒃ ᐃᓄᓐᓄᑦ ᐊᕐᓇᓄᑦ ᐃᓄᐃᑦ ᐊᕐᓀᑦ ᐱᒍᑦᔨᓱᒋᑦ. ᐃᓕᓐᓂᐊᑎᑦᓯᓃᑦ ᐋᕐᕿᓱᕐᓯᒪᔪᑦ ᓴᐳᒻᒥᐅᑎᐅᑦᓱᑎᒃ ᐊᕐᓇᓂᒃ ᓄᐃᑦᓯᕙᓪᓕᐊᔪᓂᒃ ᑲᔪᓯᑦᓯᐊᕈᓐᓇᐅᑎᒥᓂᒃ, ᖃᐅᔨᒪᓂᕐᒥᓂᒃ, ᓯᕗᓕᕐᑎᐅᓂᕐᒥᓂᒃ, ᐊᒻᒪᓗ ᓄᐃᑦᓯᒋᐊᕐᓂᒥᒃ ᐊᕐᓇᓂ ᐃᓘᓐᓈᒍᑦ ᖃᓄᐃᖕᖏᓯᐊᕐᑐᓂᒃ. ᐃᓚᖃᕐᑎᑕᐅᕙᑦᑐᑦ ᐃᓕᓐᓂᐊᑎᑦᓯᐅᑏᑦ ᓯᕗᓕᕐᑎᓯᐅᒋᐅᕐᓴᑎᑦᓯᓂᕐᒥᒃ, ᐊᕐᓇᓂᓪᓗ ᓇᒻᒥᓂᖅ ᖃᑭᒋᐊᕐᕕᖃᕈᒪᔪᓂᒃ, ᐊᒻᒪᓗ ᐊᐅᓚᑦᓯᔨᐅᓂᕐᒧᑦ ᐃᓕᓐᓂᐊᑎᑦᓯᓂᕐᓂᒃ. ᖃᐅᔨᒐᓱᐊᖃᑦᑕᓂᐊᕐᖁᓯ ᑐᖓᓕᐊ ᐃᓕᓐᓂᐊᑎᑦᓯᓂᖅ 2019-ᒦᓛᕐᒪᑦ!

ᓄᓇᓕᓐᓂ ᐱᓇᓱᒉᑦ

2011-ᒥᓂᑦ, ᓴᑐᕐᕖᑯᑦ ᐊᑐᐃᓐᓇᐅᑎᑦᓯᕙᑦᑐᑦ $3,000 ᑎᑭᑦᓱᒋᑦ ᐃᓘᓐᓀᓄᑦ ᓄᓇᕕᒻᒥ ᓄᓇᓕᓐᓄᑦ, ᐃᓚᐅᑎᓪᓗᒋᑦ ᐃᓅᖃᑎᒌᑦ ᑲᑎᒪᕕᖏᑦ ᑯᐯᑉ ᑕᕐᕋᖓᓂ, ᐱᓇᓱᐊᕈᑕᐅᓚᖓᔪᓂᒃ ᐊᕐᓀᑦ ᐃᓅᓯᖏᓐᓂᒃ ᐱᐅᓯᐅᒥᑎᑦᓯᒋᐊᕈᑎᓂᒃ. ᐱᓇᓱᒉᑦ ᐱᓇᓱᐊᕐᑎᓯᐅᑎᐅᒍᓐᓇᑐᑦ ᐱᕙᓪᓖᒍᑕᐅᒍᓐᓇᓗᑎᒃ ᐃᑉᐱᒍᓱᓕᕐᑎᓯᓂᕐᒥᒃ, ᐱᕙᓪᓖᒍᑕᐅᔪᓂᒃ ᓈᒻᒪᖁᐊᕇᑦᑎᑕᐅᒋᐊᖃᕐᓂᖏᓐᓂᒃ ᐊᖑᑏᑦ ᐊᒻᒪᓗ ᐊᕐᓀᑦ, ᑲᔪᖏᑦᑐᐃᒍᑕᐅᑦᓱᑎᓗ ᐃᓗᓯᕐᓱᓯᐊᕐᓇᑐᓂᒃ ᐃᓅᒡᒍᓯᖃᖁᔨᓂᕐᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᓈᒻᒪᑐᓂᒃ ᐊᐅᓚᑦᔦᒋᐊᕈᑎᓂᒃ.

Pin It on Pinterest

ᐊᐅᓚᓯᒪᔭᕗᑦ