ᐊᕐᓇᓂᒃ ᓄᓇᕕᒻᒥᐅᓂᒃ ᑐᖕᖓᓱᑦᑎᓯᓂᖅ ᑎᒥᐅᔪᖁᑎᑦᑎᓄᑦ
Press release from Saturviit
ᑐᓴᕋᑦᓭᑦ
ᓴᑐᕐᕖᑯᑦ ᐅᐱᒍᓱᑉᐳᑦ ᒥᐊᔨ ᓭᒪᒥᒃ ᐃᓕᔭᐅᓚᐅᕐᒪᑦ
ᑳᓇᑕᒥ 30-ᐅᒍᑕᐅᑦᓱᓂ ᐊᑕᒥᓂᐊᓗᒻᒧᑦ ᑭᒡᒐᑐᕐᑎᐅᓂᕐᒧᑦ
ᔪᓓ 27, 2021 – ᓴᑐᕐᕖᑦ ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ, ᖄᖏᕐᓂᑯᓕᐅᕐᑎᐅᖏᑦᑐᖅ ᑎᒥᒃ, ᐅᐱᒍᓱᑉᐳᖅ ᐱᒻᒪᕆᖕᖑᑎᑕᐅᓚᐅᕐᒪᑦ ᐳᕐᑐᓂᕐᐸᐅᖃᑕᐅᕕᒻᒨᑕᐅᑦᓱᓂ ᒥᐊᔨ ᓭᒪᓐ ᐃᓕᔭᐅᑦᓱᓂ ᑳᓇᑕᒥ ᐊᑕᓂᐊᓗᒻᒧᑦ ᑭᒡᒐᑐᕐᑎᐅᓂᕐᒧᑦ ᓯᕗᓪᓕᐸᐅᑦᓱᓂ ᓄᓇᖃᕐᖄᑐᕕᓂᐅᑦᓱᓂ ᐊᒻᒪᓗ ᓯᕗᓪᓕᐸᐅᑦᓱᓂ ᐃᓄᑐᐃᓐᓇᐅᓱᓂ ᑳᓇᑕᒥ ᐊᑕᓂᐊᓗᒻᒧᑦ ᑭᒡᒐᑐᕐᑎᐅᓯᑦᓱᓂ. ᐃᓕᔭᐅᓂᖓ, ᐃᑉᐸᓴᖅ ᑲᔪᓯᓚᐅᕐᑐᖅ ᐋᑐᕗᐊᒥ, ᐱᒻᒪᕆᐅᑦᓱᓂ ᐊᓪᓗᕆᐊᕐᓂᖅ ᑳᓇᑕᐅᑉ ᐱᕙᓪᓕᐊᓂᖓᓂ ᐊᒻᒪᓗ ᓄᓇᕕᒻᒥᐅᓄᑦ ᖁᕕᐊᓲᑎᐅᒍᓐᓇᓯᑦᓱᓂ.
ᓴᑐᕐᕖᑯᓐᓄᑦ, ᑭᒡᒐᑐᕐᑐᓄᑦ ᐃᓘᓐᓀᓂᒃ ᓄᓇᕕᒻᒥᐅᓂᒃ ᐊᕐᓇᓂᒃ, ᒥᐊᔨ ᓭᒪᐅᑉ ᐃᓕᔭᐅᓂᖓ ᐱᓗᐊᕐᑐᒥᒃ ᐱᒻᒪᕆᐅᕗᖅ, ᐃᓕᑕᕐᓯᔭᐅᓂᐅᒻᒪᑦ ᓯᕗᓕᕐᑎᐅᓂᕐᒧᑦ ᐱᔪᓐᓇᓂᖏᓐᓂᒃ ᐃᓄᐃᑦ ᐊᕐᓀᑦ ᓄᓇᓕᑦᑎᓂ ᐊᒻᒪᓗ ᐅᑉᐱᓇᖕᖏᑐᓂᐊᓪᓛᑦ ᐱᑦᓯᐊᓚᕿᒍᓐᓇᓱᑎᒃ, ᓇᒻᒥᓂᑎᒍᑦ ᐊᒻᒪᓗ ᐱᓇᓱᐊᒐᕐᒥᑎᒍᑦ. ᐃᓕᒋᐊᓪᓚᓚᕿᐅᑎᒋᑦᓱᓂᐅᓪᓗ ᑲᒪᒋᓪᓚᕆᑦᑕᒥᓄᑦ ᑎᒥᖁᑎᒥᑎᒍᑦ ᓴᐳᑦᔨᔨᐅᑦᓱᑕ ᐊᕐᓇᓂᒃ ᓄᓇᕕᓕᒫᒥ ᐱᒐᓱᐊᕐᑕᖏᓐᓂ ᓇᒻᒥᓂᖅ ᐱᓚᕿᒋᐊᕈᒪᑦᓱᒋᑦ ᐃᓱᒪᒋᓲᒥᓂᒃ ᐊᒻᒪᓗ ᑐᕌᒐᕐᒥᓂᒃ.
ᐊᑕᓂᐊᓘᑉ ᑭᒡᒐᑐᕐᑎᖓ ᓭᒪᐅᑉ ᐃᓕᔭᐅᑦᓱᓂ ᐅᓪᓗᒥ ᐃᕐᙯᑎᑦᓯᐅᑕᐅᒋᕗᖅ ᐃᓄᐃᑦ ᐱᒻᒪᕆᓐᓂᒃ ᐱᓇᓱᐊᒐᖃᕐᒪᑕ ᑳᓇᑕᐅᑉ ᓯᕗᓂᑦᓴᖓ ᐱᑦᔪᑎᒋᓗᒍ ᐊᒻᒪᓗ ᐃᓂᖃᖁᓪᓗᒋᑦ ᐅᖃᐅᓯᕗᑦ, ᐃᓗᒡᒍᓯᕗᑦ ᐊᒻᒪᓗ ᐱᐅᓯᑐᖃᕗᑦ ᑳᓇᑕᒥᐅᒍᖃᑎᒌᓂ. ᐅᐱᒪᕗᒍᑦ ᒥᐊᔨ ᓭᒪᓐ ᐃᓕᔭᐅᓂᕐᒥᓄᑦ ᐅᖃᐅᓯᖃᕈᑎᖃᓚᐅᕐᒪᑦ ᐊᑕᓂᐊᓗᒻᒧᑦ ᑭᒡᒐᑐᕐᑎᐅᓯᓂᕐᒧᑦ ᐃᓄᑦᑎᑑᕐᓱᓂ, ᐊᒻᒪᓗ ᖃᓪᓗᓈᕐᑎᑐᑦ ᐅᐃᒍᐃᑎᑐᓪᓗ. ᐅᖃᐅᓯᕆᓚᐅᕐᑕᖏᑦ ᐃᕐᙯᓇᕐᑎᓯᓚᐅᕐᑐᑦ ᓂᐱᑦᑕ ᑐᓴᕐᑕᐅᒍᓐᓇᓯᒍᓐᓇᓂᖏᓐᓂᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐅᖃᐅᓯᖃᕐᐸᒋᐊᖃᕐᓂᑕ ᐊᒻᒪᓗ ᐃᓂᖃᕐᕕᒋᒋᐊᓕᑦᑎᓂ ᐃᓂᖃᕐᐸᒋᐊᖃᕐᓂᑕ ᑕᒪᖏᓐᓂ ᐃᓄᐃᑦ ᓄᓇᖓᓂ ᐊᒻᒪᓗ ᖃᓪᓗᓈᑦ ᓄᓇᖓᓂ.
ᒥᐊᔨ ᓭᒪᐅᑉ ᑎᓕᔭᐅᓂᖓ ᑖᑦᓱᒧᖓ ᐱᒻᒪᕆᒻᒧᑦ ᐱᓇᓱᒐᕐᒧᑦ ᑕᑯᑦᓴᐅᑎᑦᓯᔪᖅ ᓂᕆᐅᓐᓇᓯᐊᓚᖓᓕᕐᓂᖏᓐᓂᒃ ᓈᒻᒪᒋᐅᑎᓂᕐᒧᑦ ᑎᑭᐅᑎᓚᖓᓕᕐᓂᖏᑦᑕ ᑳᓇᑕᐅᑉ ᓄᓇᖃᕐᖄᑐᕕᓂᖁᑎᖏᑦ ᐊᒻᒪᓗ ᓄᓇᖃᕐᖄᑐᕕᓂᐅᖕᖏᑐᑦ. ᓴᑐᕐᕖᑯᑦ ᑐᖕᖓᓱᑦᑎᓯᕗᑦ ᐊᒻᒪᓗ ᖁᕕᐊᓲᑎᖃᕐᓱᑎᒃ ᑖᑦᓱᒥᖓ ᑌᒪᖕᖓᓂᑦ ᐃᕐᖃᐅᒪᓇᓚᖓᓕᕐᑐᒥᒃ ᐊᑎᔪᒥᒃ.
Recent Publications
Stop Violence
ᐊᕐᓀᑦ ᖃᓄᐃᖕᖏᓯᐊᕐᓂᖏᑦ
Making the well-being of women a priority leads to healthy Inuit communities.
ᐃᕐᖃᑐᐃᕕᓕᕆᓂᖅ
Justice for all people in Nunavik is central to improving our quality of life.
ᐃᓚᒌᑦ ᐊᒻᒪᓗ ᕿᑐᕐᖓᕇᑦ
Inuit women are the heart of their families and communities.
ᐱᓂᐊᕐᓂᓕᕆᓃᑦ ᐊᒻᒪᓗ ᒪᑭᑕᒐᓱᐊᕈᑎᑦᓴᓕᕆᓃᑦ
Listening to women’s voices on politics and economics provides key insight into the well-being of the whole community.
Contact Us
Saturviit Inuit Women’s
Association of Nunavik
2540 Ch De La Petite-Riviere
Vaudreuil-Dorion, QC J7V 8P2
Tel 1.866.944.5003
executive@saturviit.ca